Pennaeth Strategaeth, Blynyddoedd Cynnar ac Ieuenctid

Cyflog o £92,438 i £98,580

“Adeiladu ar gyfer dyfodol Bwrdeistref Sirol Pen-y-bont ar Ogwr”

Mae hwn yn gyfle eithriadol i ymuno â thîm ymroddedig a blaengar, sydd wedi ymrwymo i ddarparu gwasanaethau rhagorol i blant, pobl ifanc, a theuluoedd ar draws Bwrdeistref Sirol Pen-y-bont ar Ogwr.

Mae ein bwrdeistref sirol yn lle o wrthgyferbyniadau a chysylltiadau o’r cymoedd trawiadol yn y gogledd i’r arfordir hardd yn y de. Gyda choridor yr M4 yn rhedeg drwy galon yr ardal a chysylltiadau rheilffordd gwych i Gaerdydd, Llundain, ac Abertawe, rydym yn gymuned sydd â chysylltiadau da gydag uchelgais yn greiddiol iddi.

Mae hon yn rôl newydd i gryfhau ein tîm arweinyddiaeth, arwain gwasanaeth amlswyddogaeth mawr, a gwireddu ein gweledigaeth. Rydym yn chwilio am arweinydd credadwy sy’n llawn gweledigaeth i ymgymryd â rôl hanfodol Pennaeth Strategaeth, Blynyddoedd Cynnar ac Ieuenctid.

Mae hwn yn gyfle prin i lunio dyfodol darpariaeth blynyddoedd cynnar, gwasanaethau ieuenctid gan gynnwys cyfiawnder ieuenctid, a gwasanaethau cymorth allweddol fel cludiant ysgol ac arlwyo.

Yn ogystal, byddwch yn chwarae rôl ganolog wrth gyflawni ein Rhaglen Buddsoddi Cyfalaf Moderneiddio Ysgolion sy’n werth £100m a mwy.

Byddwch hefyd yn arwain ar iechyd a diogelwch corfforaethol a threfniadau diogelu yn y Gyfarwyddiaeth Addysg, Blynyddoedd Cynnar a Phobl Ifanc.

Gan weithio ochr yn ochr â’r Cyfarwyddwr Corfforaethol a’r Pennaeth Dysgu, byddwch yn helpu i ysgogi newid trawsnewidiol, gan sicrhau bod ein gwasanaethau’n ymatebol, yn arloesol, ac yn canolbwyntio ar wella canlyniadau i blant a phobl ifanc.

Gyda phrofiad sylweddol o arwain gwasanaethau i blant a phobl ifanc, rheoli cyllidebau cymhleth, a chyflawni newid sefydliadol, byddwch yn dod â gweledigaeth strategol a rhagoriaeth weithredol i’r rôl proffil uchel, newydd a chyffrous hon.

Mae hwn yn gyfle i gael effaith wirioneddol mewn bwrdeistref sirol sydd wedi ymrwymo i arloesi, integreiddio, a rhagoriaeth weithredol ar draws ein gwasanaethau lle mae gwell canlyniadau i bobl a chymunedau bob amser wrth wraidd popeth a wnawn.

Os oes gennych y weledigaeth, y gwerthoedd, yr egni a’r cymhelliant i lunio dyfodol y gwasanaethau hyn ym Mwrdeistref Sirol Pen-y-bont ar Ogwr, hoffem glywed gennych.

I gael rhagor o wybodaeth, cliciwch Gwneud Cais neu siaradwch â’n partneriaid chwilio gweithredol yn GatenbySanderson: Becky Downs (07831 116 336) neu Gary Evans (07809 195 593).

Dyddiad Cau: Dydd Sul 14 Rhagfyr am 11:59pm

Pennaeth Gwasanaeth – Tir y Cyhoedd

Cyflog o £92,438 i £98,580

Cyflawni ein huchelgeisiau beiddgar ar gyfer Bwrdeistref Sirol Pen-y-bont ar Ogwr

Mae hwn yn gyfle unigryw i ymuno â thîm uchelgeisiol, sy’n ymrwymedig i greu cymunedau bywiog, cynaliadwy, cyfleoedd datblygu a chyflogaeth o ansawdd uchel a darparu gwasanaethau cyhoeddus eithriadol ar draws Bwrdeistref Sirol Pen-y-bont ar Ogwr, y trydydd rhanbarth sy’n tyfu gyflymaf yng Nghymru.

Mae ein bwrdeistref sirol yn lle o harddwch naturiol a chysylltedd cryf o’r cymoedd yn y gogledd i’r arfordir trawiadol yn y de. Gyda choridor yr M4 yn rhedeg drwy galon yr ardal a chysylltiadau rheilffordd gwych i Gaerdydd, Llundain, ac Abertawe, rydym yn gymuned flaengar sydd â chysylltiadau da gydag adfywio a chynaliadwyedd yn greiddiol iddi.

Rydym bellach yn chwilio am unigolyn eithriadol i ymgymryd â rôl hanfodol Pennaeth Gwasanaeth – Tir y Cyhoedd. Mae hwn yn gyfle prin i arwain portffolio amrywiol o wasanaethau statudol a gwasanaethau sy’n wynebu’r cyhoedd, gan gynnwys Cynllunio a Datblygu, Adfywio Strategol, Datblygu Economaidd, Mannau Gwyrdd, Gwasanaethau Profedigaeth a Chynaliadwyedd. Yn y rôl newydd hon, byddwch hefyd yn chwarae rôl allweddol wrth lunio dyfodol cymunedau drwy strategaethau arloesol a newidi trawsnewidiol.

Gan weithio’n agos gyda’r Cyfarwyddwr Corfforaethol – Cymunedau, byddwch yn darparu arweinyddiaeth strategol a rhagoriaeth weithredol, gan sicrhau bod rhaglenni cyfalaf a’n strategaethau adfywio yn cael eu cyflawni, yn ogystal ag arwain gwasanaethau datblygu economaidd gan sicrhau eu bod yn cael eu darparu’n effeithiol, yn bodloni gofynion statudol, ac ymateb i anghenion sy’n datblygu ein trigolion.

Gyda phrofiad sylweddol o reoli gwasanaethau sy’n wynebu’r cyhoedd, arwain newid sefydliadol, a chyflawni prosiectau cymhleth, byddwch yn dod â gweledigaeth, gwydnwch, a dull cydweithredol i’r rôl newydd hon ac yn helpu i gyflawni uchelgeisiau Pen-y-bont ar Ogwr.

Os oes gennych y profiad, yr uchelgais, a’r gwerthoedd i gael effaith barhaol ar gyfer Bwrdeistref Sirol Pen-y-bont ar Ogwr a’i chymunedau, rydym am glywed gennych.

I gael rhagor o wybodaeth, cliciwch Gwneud Cais neu siaradwch â’n partneriaid chwilio gweithredol yn GatenbySanderson: Marnie Lodhi (07795 654 812) neu Gary Evans (07809 195 593).

Dyddiad Cau: Dydd Sul 14 Rhagfyr am 11:59pm