Cefndir y cyngor
Mae Cyngor Bwrdeistref Sirol Pen-y-bont ar Ogwr yn awdurdod unedol sy’n cyflogi oddeutu 6,000 o bobl (yn cynnwys ysgolion) gan weithio ar draws ystod lawn o wasanaethau’r cyngor ac mewn partneriaeth gydag amrywiaeth eang o sefydliadau.
Mae preswylwyr yn cael eu cynrychioli gan 51 o gynghorwyr ac mae’r weinyddiaeth wleidyddol bresennol fel a ganlyn:
-
Llafur – 27
-
Annibynnol – 22
-
Plaid Cymru – 1
-
Ceidwadol – 1
Mae’r cyngor wedi’i greu o bedair cyfarwyddiaeth, ac yn cael ei arwain gan y Prif Weithredwr a’r Cyfarwyddwyr Corfforaethol:
-
Cyfarwyddiaeth y Prif Weithredwr
-
Gwasanaethau Cymdeithasol a Llesiant
-
Addysg, Blynyddoedd Cynnar a Phobl Ifanc
-
Cymunedau
Ein Cynllun Corfforaethol
Mae ein Cynllun Corfforaethol yn amlinellu ein saith amcan llesiant ar gyfer pobl Pen-y-bont ar Ogwr:
-
Bwrdeistref sirol lle rydym yn amddiffyn y rhai mwyaf bregus
-
Bwrdeistref sirol sydd â gwaith teg, swyddi sy’n gofyn am sgiliau ac sydd o ansawdd dda a threfi llewyrchus
-
Bwrdeistref sirol sydd â chymunedau llewyrchus yn y cymoedd
-
Bwrdeistref sirol lle rydym yn helpu pobl i gyflawni eu potensial
Bwrdeistref sirol sy’n ymateb i’r argyfwng hinsawdd a natur
-
Bwrdeistref sirol lle mae pobl yn teimlo eu bod yn cael eu gwerthfawrogi, yn cael eu clywed ac yn rhan o’u cymuned
-
Bwrdeistref sirol lle rydym yn cefnogi pobl i fyw bywydau iach a hapus
Ein harian
Byddwn yn gwario dros £485 miliwn yn ystod 2023/24. Mae blaenoriaethau’r cynllun hwn wedi eu datblygu ochr yn ochr â chynlluniau ariannol hynod o fanwl, er mwyn sicrhau ein bod yn gallu fforddio eu cyflawni.
Mae llawer o gyllideb y Cyngor yn dod gan Lywodraeth Cymru, a llai nag un rhan o bump o’r dreth gyngor.
I ble mae ein harian yn mynd? – Mae bron i hanner cyllideb y Cyngor yn cael ei gwario ar ysgolion a chwarter arall ar wasanaethau cymdeithasol a llesiant. Gallwch weld y manylion yn y siart.
Ein huchelgais ar gyfer Bwrdeistref Sirol Pen-y-bont ar Ogwr
Dros y bum mlynedd ddiwethaf, rydym eisiau buddsoddi yn y pethau cywir, y pethau sy’n gwneud y gwahaniaeth mwyaf ac sy’n cael eu gwerthfawrogi fwyaf gennych chi.
Ein pum ffordd o weithio:
Gwell defnydd o adnoddau a’r defnydd hwnnw wedi’i dargedu
Un cyngor, yn gweithio’n dda gyda’n gilydd a chyda phartneriaid
Gwella cyfathrebu, ymgysylltu a bod yn ymatebol
Cefnogi a grymuso cymunedau
Gwarchod y gwasanaethau sy’n cyfrif fwyaf i breswylwyr
